Kombëtarja e Kosovës ngritet një pozitë më lart në FIFA

Keystone

Kombëtarja e Kosovës ka përparuar për një pozitë në renditjen e re të FIFA-s, ka njoftuar Federata e Futbollit të Kosovës.

Tani “Dardanët” ndodhen në pozitën e 120-të të FIFA-s, me 1149 pikë, aq sa kishin edhe në renditjen e muajit të kaluar, duke pasur parasysh se në këtë periudhë nuk kanë zhvilluar ndeshje, përcjell albinfo.ch.

Kosova dy ndeshjet e radhës do t’i zhvillojë në muajin shtator në kuadër të kualifikimeve për Euro 2020, kundër Çekisë më 7 shtator në Prishtinë dhe kundër Anglisë, më 10 shtator në Sauthampton.

Në tri ndeshjet e deritashme në fushatën kualifikuese “Dardanët” kanë realizuar një fitore e dy barazime.