Komuniteti shqiptar në St. Gallen mund ta ketë përfaqësuesin e vet

Zeqir Sadrija është emri i ri i kandidatit të Partisë së Gjelbër që synon asamblenë komunale të qytetit St. Gallen

Komuniteti shqiptar në St. Gallen mund ta ketë përfaqësuesin e vet në asamblenë komunale të qytetit në zgjedhjet e shtatorit.

Në zgjedhjet komunale të qytetit St. Gallen që do të mbahen muajin e ardhshëm, më 23 shtator, në listën e Partisë së Gjelbër kandidon edhe 48 vjeçari nga Reka e Keqe e Gjakovës, Zeqir Sadrija. Ai në këte fushatë elektorale paraqitet në listën numër gjashtë, i njëzeti në radhë. Këtë synim Zeqir Sadrija e shpjegon me rëndësinë që ka për të bashkëjetesa në mesin kultura të ndryshme, promovimi i vlerave të përbashkëta dhe sigurinë e qytetit.

„Të gjithë duhet të mund të ndjëhen si në shtëpinë e tyre në St. Gallen. Të krijojmë ardhmëri që së bashku të mund të jetojmë në harmoni me natyrën“ thotë Zeqir Sadrija në shpalosjen e motos në këtë fushatë elektorale, që përkrah tij në rolin e mentorit, ka deputetin kantonal, Etrit Hasler.

Babai i katër fëmijëve, Sadrija, ka një eksperiencë të gjatë të angazhimit në aktivitete politike, fillimisht si aktivist i çëshjtes kombëtare dhe më pas, siç thotë ai, si përfaqësues i shqiptarëve në St. Gallen. Është kryetar i shoqatës kulturore „Pashtriku“, punon si përkthyes dhe është në shërbim (Hilfsmessmer) të një kishe të qytetit. Si dhe tani e dhjetë vite më parë i kyçur në partinë e të Gjelbërve që tani e ka nxjerrë si kandidat për deputet të asamblesë komunale duke vlerësuar, siç shpjegon ai, transparencën dhe korrektësinë e tij të treguar gjatë kësaj dekade si anëtar i partisë në shërbim të përmirësimit të bashkëjeteses mes komuniteteve.

 Zeqir Sadrija

Në partinë e të Gjelbërve është inkuadruar me shpresën që të kontribuojë në përmirësimin e imazhit të shqiptarëve. „Parimet e të gjelbërve“, sipas tij, „janë në përputhje të plotë me vlerat tona demokratike, historike dhe kombëtare“. Ai është bindur se në zgjedhjet e shtatorit do të ketë mjaftë votues që do ti japin besimin për të qenë në mesin 63 anëtarëve të parlamentit të ri të qytetit St. Gallen për periudhën 2013-2016.

Në këtë parti, thotë ai, të ketë gjetur mbështetje të mjaftueshme për të punuar e për të marrë vendimin për të kandiduar për asamblenë komunale, por mbështetjen më të madhe thotë se e ka marrë nga deputeti kantonal shqiptaro-zvicerani Etrit Hasler, i cili në këtë takim kishte ardhur të koordinonte agjendën e angazhimit në mbështetje të kandidatit shqiptar gjatë fushatës elektorale që do të dominojë këto ditë. Me Etritin (SP), në thelb ne jemi të njejtë, por na bashkojnë edhe programet e partive, tregon Zeqir Sadrija i lumtur që krah tij qëndron një personalitet çfarë është deputeti Etrit Hasler

„Nëse zgjidhem, do të përpiqem çdo herë të jem një lojtar i përgjegjshëm i zhvillimeve pozitive në vendin ku jetojë duke u angazhuar në thyerjen e barrierrave mes komuniteteve“ premton Sadrija.