Konstruktohet makina robot që ngjitet mureve vertikale

Kjo makinë interesante që i kanë vënë emrin «Vertigo» e sfidon forcën e gravitetit

Ekspertë nga universiteti ETH i Cyrihut në bashkëpunim me “Disney research Lab” kanë konstruktuar një makinë robot me katër rrotë që ngjitet pa problem edhe në muret më vertikale.

I shkathtë si një gecko (hardhucë që ngjitet mureve), roboti i vogël kalon pa problem çdo pengesë, sado i rrëpinjtë që të jetë terreni ku lëviz, shkruajnë mediet zvicerane. Kjo makinë interesante që i kanë vënë emrin «Vertigo» e sfidon forcën e gravitetit me ndihmën e dy propelerëve të vendosur në shpinë të saj. Propelerët në fjalë janë të drejtuar veç e veç dhe gjenerojnë presionin i cili e shtyp «Vertigon» të qëndrojë ngjitur me murin ku lëviz.

Pasi që propelerët mund të dirigjohen, roboti ka mundësi që pa problem të ndryshojë pozitën e vet sipas terrenit, nga lëvizja vertikale në atë horizontale, transmeton albinfo.ch.

Sipërfaqet e mureve nuk duhet të jenë të lëmuara për të mundësuar «ngjitjen» e robotit. Mjafton që ai të ketë bateritë e mbushura dhe të lëvizin propelerët, në këtë mënyrë forca e gravitetit nuk ka shanse të veprojë