Kosova asnjëherë nuk do të pranojë temen e veriut, thotë Edita Tahiri

Shefja e delegacionit të Kosovës në bisedime me Serbinë Edita Tahiri, ka thënë se Kosova asnjëherë nuk do të pranojë temen e veriut të saj në tavolinën e bisedimeve.

“Unë vazhdimisht e kam theksuar se nuk do të ketë tema politike, vetëm tema praktike”, ka deklaruar ajo.

Kjo përgjigje e shefes së delegacionit kosovar ka qenë reaksion ndaj mediave të vendit që kanë raportuar se ngjarjet e fundit të cilat kanë ndodhë në veri të Kosovës do të ncisnin hapjen e bisedimeve për status special për këtë pjesë të vendit, shkruan Koha Ditore.

E përditshmja “Zëri ka shkruar të dielën duke ju referuar burimeve ndërkombëtare se dialogu Prishtinë-Beograd, që sipas zyrtarëve të Kosovës është veç teknik, mund të përshkallëzojë në politikë dhe madje në një status special për veriun e vendit.