Kosova fiton ndaj Komoreve, Rrahmani shënon tre gola

Kombëtarja e Kosovës fitoi 4-2 ndaj Komoreve në ndeshjen që u zhvillua në stadiumin “Fadil Vokrri”. Komoret kaluan të parat në avantazh në minutën e 12-të me golin e Said Bakarit.

Por Kosova reagoi shpejt dhe barazoi në minutën e 19-të me golin e Albion Rrahmanit. Ai ishte edhe lojtari më i mirë i ndeshjes, pasi shënoi edhe dy gola të tjerë në minutat 59 dhe 78, duke kompletuar het-trikun, transmeton albinfo.ch.

Komoret arritën të shënojnë sërish në minutën e 85-të për 3-2, por në minutën e 91-të Fisnik Asllani shënoi golin e katërt për Kosovën dhe vulosi fitoren 4-2.

Kjo ishte fitorja e dytë radhazi për Kosovën këtë muaj, pas fitores ndaj Armenisë.