Kosova ka hyrë në një fazë të re të shpërthimit të Covid-19

Keystone EPA/VALDRIN XHEMAJ ATTENTION: This Image is part of a PHOTO SET *** Local Caption *** 56006973

Drejtori i Shërbimit Spitalor Klinik të Kosovës, Valbon Krasniqi, ka thënë se Kosova ditëve të fundit ka hyrë në një fazë të re të shpërthimit të pandemisë COVID 19 dhe tash është një fluks i madh i të infektuarve.

“Sot kemi 678 pacientë të shtrirë në të gjitha institucionet shëndetësore të Kosovës, e që është numër më i madh për 150 pacientë më shumë brenda 10 ditësh”, ka thënë Krasniqi për RTK, përcjell Albinfo.ch.

Krasniqi ka thënë se tash Kosova është në një fazë të re të të infektuarve dhe të të shtruarve në institucionet shëndetësore.

“Po bëjmë maksimumin të ofrojmë shërbime mjekësore, që asnjë pacient të mos mbetet i patrajtuar”, tha Krasniqi tutje.

Drejtori i SHKUSK-së ka folur edhe për fillimin e pandemisë në Kosovë, pikërisht një vit më parë.

Ai tha se në fillim kishte frikë dhe panik të madh, pasi që nuk kishte edhe shumë informacione.