Kosova, në kërkim të fitores kundër Sllovenisë

Ndeshja futbollistike do të luhet sot me fillim prej prej orës 20:45, në stadiumin “Fadil Vokrri” në Prishtinë. Kosova do të jetë nikoqire e Sllovenisë, transmeton albinfo.ch.

Pas barazimit me Moldavinë dhe humbjes me Greqinë, “Dardanët” janë në kërkim të fitores së parë.

Ekipi i udhëhequr nga Bernard Challandes ka vetëm një pikë dhe është në pozitën tretë të Grupit C.

Tekniku zviceran ka deklaruar se do të bëjnë të pamundurën që të dalin me një rezultat pozitiv nga kjo ndeshje.

Të gjjithë lojtarët e kanë përfunduar testimin për COVID-19 dhe të gjithë kanë dalë negativë, duke qenë të gatshëm për takimin.