Kosova pret sot Islandën në kualifikimet për Botërorin 2023

Sonte në Prishtinë Kosova do të përballet me Islandën në kuadër të kualifikimeve për Botërorin 2023.

Kjo ndeshje do të zhvillohet në Pallatin e Rinisë dhe do të nisë nga ora 19:00, transmeton Klan Kosova.

Në konferencën e fundit nga përfaqësuesja janë shprehur tejet të motivuar për këtë takim, që është ndër më të rëndësishmit që e ka zhvilluar Kombëtarja e Kosovës në basketboll.

“Basketbollistët janë shumë të motivuar për ndeshjen ndaj Islandës. Kemi pasur tri ditë intensive me stërvitje dhe jemi të gatshëm për ndeshjen e së enjtes. Besoj se edhe me ndihmën e Dardanëve dhe tifozëve do t’ia dalim në këtë takim përballë Islandës, që ka shumë lojtarë cilësorë, megjithatë lojtarët do të japin maksimumin në fushë”, është shprehur Granit Rugova.