Kosova prezantohet me 5 kompani të turizmit në Berlin

Në mesin e shumë vendeve të botës, edhe Kosova po merr pjesë në Panairin Ndërkombëtar të Turizmit në Berlin. Mundësitë turistike që i ofron Kosova, si bukuritë natyrore dhe atraksionet urbanistike, po prezantohen nga pesë kompani turistike: Balkan Destination, Eurokoha, Superxplorers, Fibula Travel, Outdoor Kosovo, shkruan albinfo.ch.

Shtandin e Kosovës në këtë panair e vizitoi edhe Ambasadori i Republikës së Kosovës në Berlin, z. Faruk Ajeti, i cili shfrytëzoi rastin të diskutojë mundësitë e bashkëpunimit për zhvillimin e turizmit me përfaqësuesit nga Ministria e Industrisë, Ndërmarrësisë dhe Tregtisë së dhe pjesëmarrës të tjerë në këtë panair.

Shtandi i Kosovës është me numër 211- salla 1.2.

Panairi është i hapur deri më 07 mars 2024.