Kosovarët të indinjuar me krijimin e Gjykatës Speciale

Shumë kosovarë janë të indinjuar me krijimin e Gjykatës Speciale, pasi e shohin UÇK-në si ushtri të pastër, derisa ushtarët si luftëtarë të lirisë

Nusret Shabani ishte fshehur në një hendek kur forcat serbe erdhën për burrat e Reçakut dhe ai mbijetoi. 45 shqiptarë nuk ishin me fat sa ai, duke përfshirë edhe djalin e tij. Ata u qëlluan për vdekje.

Por, një gjykatë e re në Hagë do të nisë misionin e saj për të hetuar shqiptarët për krimet e kryera pasluftës, një perspektivë që zemëron kosovarët, pasi ushtarët e Ushtrisë Çlirimtare të Kosovës, shihen si luftëtarët e lirisë, shkruan ‘timesofmalta.com’.

“UÇK-ja është e pastër si loti”, thotë Shabani, tani 76-vjeçar. Qeveritë perëndimore e shohin si të nevojshme krijimin e kësaj gjykate për të sjellë pajtimin dhe stabilitetin në rajonin e luftës dhe të lëvizin më afër Bashkimit Evropian.

Disa serbë dhe shqiptarë janë gjykuar e dënuar nga gjykatat ndërkombëtare dhe vendore për krimet e kryera gjatë luftës së viteve 1998-1999, por për shumë kosovarë kërkesat e BE-së dhe SHBA-së për një gjykatë të re, shihet si një imponim i huaj i padëshirueshëm, përcjell albinfo.ch.

Sulmet ajrore të NATO-s kundër Serbisë së diktatorit Sllobodan Millosheviq, ishte akti i fundit i shpërbërjes së Jugosllavisë, që përbëhej nga shtatë shtete, që kishin një konflikt prej vitit 1990, ku humbën jetën rreth 130 mijë njerëz.