Kosovari Armend Xhoxhaj triumfon me pikë kundër Roman Fressit në Magdeburg të Gjermanisë

Kosovari nga Prizreni, Armend Xhoxhaj luftoi për titull WBO Inter-Continental kundër Roman Fress, i cili kishte fituar titullin e sapo përmendur vitin e kaluar falë një fitoreje me nokaut spektakolar kundër Kamel Kouaouch.

Dhe në luftën kundër Xhoxhajt, ku u zhvilluan të gjitha 10 rundet, ky i fundit doli fitimtar me pikë.

Pavarësisht se Fress gëzonte një fizik superior ndaj kosovarit, ky i fundit arriti ta mbante në distancë rivalin, duke sulmuar vazhdimisht me goditje gjysmë në afërsi.

Xhoxhaj gëzon një bilanc prej 14 fitoreve, shtatë me nokaut, dhe dy humbjeve (të dy me nokaut) nga 16 meçe të zhvilluara.

Në anën tjetër, për Fress ishte kjo disfata e parë pas 15 fitoreve.