Kosovari pret në fyt një zviceran

Dy kosovarët e përfshirë në këtë incident janë arratisur, ndërsa policia arrin t'i arrestojë në Interlaken

Gjatë një ndeje në restorant, në Interlaken të Zvicrës, të hënën rreth orës 21.30, duke pirë nga një gotë dy miq zviceran mundës Gehrig (38) dhe K. Z., si duket ishin dy mysafirët e fundit.

Papritmas ndalet një taksi nga i cili zbresin dy kosovarë (33 dhe 31-vjeçarë). Sipas „Blick”, ata kishin filluar menjëherë të ofendojnë zviceranët me fjalë të ndyta, kanë pohuar dëshmitarët e rastit.

Pas kësaj, reagon menjëherë mundësi dhe njëherit politikani nga Partia SVP, K. Z.

«Ai është ofenduar rëndë nga ofendimet dhe duke dashur të hedhë gotën e birrës në drejtim të kosovarit, njëri nga kosovarët e nxjerr thikën duke e prerë zviceranin K. Në fyt, ndërsa gjaku shpërtheu menjëherë», ka rrëfyer ngjarjen një dëshmitar.

Zvicerani K. E mban qafën me duar. Miku i tij Roland Gehrig, reagon shpejt. «Ai mundohet t`ia ndalojë gjakun dhe e dërgon në spital», ka vazhduar mëtutje dëshmitari.

Që të dy kosovarët janë arratisur, ndërsa policia ka lëshuar menjëherë një fletarrest dhe nga ora një e mesnatës, ajo arrin t`i arrestojë në Interlaken.

Mjekët në spitalin e Interlaken, kanë luftuar për të shpëtuar jetën e politikanit dhe njeriut të dashur nga radhët e SVP dhe më në fund, ai i shpëton më të keqes dhe tani gjendet jashtë rrezikut për jetë.