Kosovë: Dalin dyshimet e para rreth shkaqeve të zjarrit në IML

Nga hetimet preliminare të zhvilluara nga autoritetet kompetente në Kosovë, janë bërë të ditura edhe dyshimet e para për zjarrin që kaploi Institutin e Mjekësisë Ligjore.

Një defekt i instalimit elektrik dyshohet se shkaktoi zjarrin.

Këtë e konfirmoi ushtruesi i detyrës së zëvendësdrejtorit të IML-së, Ditor Haliti. Thuhet se nuk janë djegur materiale të ndjeshme.

“Nga hetimet e para, siç më kanë njoftuar hetuesit, dyshohet se instalimi elektrik është shkaktari i zjarrit në IML. Hetimet do të vazhdojnë edhe ditëve në vijim”, ka thënë ai.