Kosovë: Deputetja Ganimete Musliu gjuan me ujë ministrin Faton Peci

Deputetja e Partisë Demokratike të Kosovës, Ganimete Musliu pas përplasjes që pati në komision parlamentar me ministrin e Bujqësisë Faton Peci e quajti atë “rrugaç” dhe më pas i hodhi një gotë ujë.

Pas kësaj ndodhie, ministri Peci deklaroi se reagimi i deputetes erdhi për shkak se nuk të vjedhë më.

“Nuk ka hajni më edhe miqve të Ganes, nuk ka me vjedh më në ministri. Në daç gjuani më ujë, në daç më plumba, si keni gjuajtur më herët, por nuk ka bir nëne që e ndal Faton Pecin prej Ministrisë së Bujqësisë që të luftojë krimin edhe korrupsionin”, deklaroi Peci.