Kosovë: Hiqet ora policore dhe kufizimi i punës për gastronominë

Ky vendim hyn në fuqi nga dita e sotme, data 1 mars 2022.

Qeveria e Kosovës në mbledhjen e mbajtur pasdite ka miratuar masat e reja anti-Covid, ku mes tjerash biqet ora policore dhe kufizimi për gastronominë, njofton Albinfo.ch.

Në kuadër të vendimit për masat e përgjithshme dhe të veçanta për kontrollin, parandalimin dhe luftimin e pandemisë COVID-19, në hyrje-daljet e pikave kufitare kërkohet dëshmia e vaksinimit me dy doza të caksinës anti-Covid, apo certifikata me një dozë e shoqëruar me dëshminë e një testi PCR negativ, jo më të vjetër se 48 orë.

“Po ashtu, me qëllim të mbrojtjes së konsumatorëve nga lëvizjet e mëdha të çmimeve dhe eliminimit të çrregullimeve në treg me naftë dhe derivate të naftës në Republikën e Kosovës, Qeveria mori vendim që të përcaktojë çmimet shitëse maksimale/marzhat tregtare me shumicë dhe pakicë, thuhet në njoftimin e Qeverisë.

---