Kosovë: Katër viktima dhe 203 raste pozitive me COVID-19

Instituti Kombetar i Shëndetësisë Publike në Kosovë ka bërë të ditur se nga 419 mostra të dyshimta me virusin SARS-CoV-2, 203 kanë rezultuar pozitiv. Ndërsa kanë humbur jetën edhe katër persona, duke çuar numrin e viktimave në 101.

Rastet pozitive janë nga: komuna Prishtinë 75 raste, komuna Gjilan 28 raste, komuna Ferizaj 21 raste, komuna Fushë Kosovë 11 raste, komuna Lipjan 11 raste, komuna Podujevë 8 raste, komuna Viti 6 raste, komuna Mitrovicë 6 raste, komuna Drenas 5 raste, komuna Kamenicë 4 raste, komuna Malishevë 4 raste, komuna Vushtrri 4 raste, komuna Skenderaj 4 raste, komuna Gjakovë 3 raste, komuna Shtime 3 raste, komuna Pejë 3 raste, komuna Obiliq 2 raste, komuna Rahovec 2 raste dhe me nga 1 rast komunat: Deçan, Prizren dhe Shtërpce.

Numri total i rasteve pozitive është 4.715  raste nga 27.723 persona të dyshimtë në virusin SARS-CoV-2.

Sot më 11 korrik 2020,  janë shëruar 71 pacientë derisa numri i përgjithshëm i të shëruarve deri më sot është gjithsej 2.227 raste, kurse numri i rasteve aktive është 2.387.