Nol Nushi nga PSD tha për KosovaPress se falja e gjobave të qytetarëve dhe ndërmarrjeve nxjerr përfitues qytetarët. Nushi thotë se edhe pozita duhet të votojë këtë projektligj, pasi që votoi 11 milionë euro për rrymën e serbëve në Veri të vendit.

“Grupi prej 10 mijë qytetarëve mund të prezantojë iniciativë ligjore apo projektligj, të cilën e dorëzon në Kuvend dhe ai futet në procedura të rregullta të Kuvendit që trajtohet në seanca të radhës. Fokusi kryesor janë njerëzit pra personat fizikë, mirëpo ne i kemi fut aty edhe ndërmarrjet e vogla dhe të mesme që kategorizohen me ligjet e Kosovës, mirëpo gjobat nga 200 mijë e më shumë gjoba që janë shpërnda, 90% prej tyre janë ndaj personave fizikë. Në rast se ky ligj miratohet në Kuvend që unë besoj edhe shpresoj që do të miratohet përfitues do të jenë qytetarët kryesisht”, tha ai./KP