Kosovë: Procedohet në Qeveri koncept-dokumenti për themelimin e Gjykatës Administrative

Në Qeverinë e Kosovës është proceduar Koncept-dokumenti për themelimin e Gjykatës Administrative, ka njoftuar Ministrja e Drejtësisë në Kosovë, Albulena Haxhiu, përcjell albinfo.ch.

Sipas Haxhiut me këtë Koncept-dokument adresohet edhe zgjidhja e kontesteve nga marrëdhënia e punës.

“Sapo proceduam në Qeveri Koncept Dokumentin për themelimin e Gjykatës Administrative, në të cilin adresohet edhe zgjidhja e kontesteve nga marrëdhënia e Punës. Themelimi i gjykatës në fjalë, përmbyllë krijimin e infrastrukturës ligjore në fushën e drejtësisë administrative, rritë dukshëm efikasitetin e zgjidhjes së lëndëve dhe lehtëson qasjen e qytetarëve në drejtësi administrative”, ka shkruar ajo.