Kosovë, situata me zjarre nën kontroll

Situata me zjarret në tërë Kosovën është nën kontroll sipas Agjencisë së Menaxhimit Emergjent e cila vepron në kuadër të Ministrisë së Punëve të Brendshme, përcjell albinfo.ch.

Sipas tyre, thuhet se vatra të zjarrit ende të pa pushuara plotësisht mbeten në komunën e Pejës, të Gjilanit dhe Prishtinës.

“Falë të gjitha rrethanave në menaxhim, reagim nga momentet e para të shfaqjes së zjarreve, situata konsiderohet nën kontrolle në të gjithë vendin. Vatra të zjarrit ende të pa pushuara plotësisht mbetet zjarri në parkun kombëtar Bjeshkët e Rugovës fshati Shtupeq, dhe Rajoni i Gjilanit, zjarri malor në Capar – Bukovik, dhe Komunen e Vitisë fshati i ri i cili është lokalizuar. Regjioni i Prishtinës, Komuna e Graçanicës fshati Shashkovc – zjarr malor (në intervenim), Komuna e Podujevës fshati Kalaticë zjarr malor (në intervenim)”, thuhet në njoftimin e AME-së.

Sipas njoftimit, të gjitha terrenet janë të menaxhueshme dhe nën kontroll.

Ndërkohë, regjioni i Prizrenit dhe Mitrovicës paraqiten të qeta.