Kosovë: Stërvitje e përbashkët mes ushtarëve amerikanë dhe zviceranë në kuadër të KFOR-it

Ushtarë amerikanë dhe zviceranë nga Komanda Rajonale Lindje e misionit të udhëhequr nga NATO-ja realizuan një stërvitje të përbashkët për aftësitë ajrore dhe të evakuimit mjekësor (MEDEVAC) me helikopterë amerikanë Blackhawk në Kampin Bondsteel,  në Kosovë, përcjell albinfo.ch.

Kjo stërvitje është pjesë e misionit të përditshëm të KFOR-it për të mbështetur të gjitha komunitetet në Kosovë, njofton Klankosova.tv.

“KFOR-i vazhdon të zbatojë mandatin e tij të bazuar në Rezolutën 1244 të Këshillit të Sigurimit të OKB-së të vitit 1999, duke kontribuar në një mjedis të sigurt dhe lirinë e lëvizjes për të gjithë, në mënyrë të paanshme.

KFOR-i bashkëpunon ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në rolet e tyre përkatëse si përgjegjës të sigurisë”, thuhet në njoftimin e NATO-s.

https://www.facebook.com/share/1Uh4mxyn4b/?mibextid=wwXIfr