Kosovë: Thirrje qytetarëve të kenë kujdes nga blerjet e dhuratave të fëmijëve

Agjencia e Veterinarisë dhe Ushqimit në Kosovë iu ka bërë thirrje qytetarëve të kenë më shumë kujdes nga dhuratat e fëmijëve, për shkak të mundësisë së skadimit të afatit të produkteve. Drejtori i shëndetit publik, Flamur Kadriu, tha se inspektorët e Agjencisë kanë ndaluar një numër të operatorëve ekononikë për shkak të dyshimeve për cilësinë e dobët të ushqimit që shitet.

“Gjatë një viti janë kryer mbi 70 mijë kontrolle, dhe diku 1 milion kilogramë produtke joshtazore janë asgjësuar, ndërsa mbi 300 mijë kilogramë janë shtazore… Festat e fundvitit gjithmonë kanë tendeca për shitje më të madhe paraqet gjithmonë një rrezik dhe prej përvojave të kaluara, është bërë një praktikë për shkëmbim të dhuratave dhe në këtë mënyrë i kemi intensifikuar edhe inspektimet tona dhe i kemi nën vëzhgim dhuratat që janë për fëmijët, dhe në këtë mënyrë të tregohet një kujdes më i madh se si janë mbajtur produktet nëpër tregje, afati i skadimit etj.”, tha Kadriu për rtv21.

AVUK tha se ka trajtuar 460 ankesa të konsumatorëve brenda një viti.