Kosovë: Zgjedhjet lokale do të mbahen më 12 tetor

Presidentja e Kosovës, Vjosa Osmani, ka caktuar 12 tetorin e vitit 2025 si datën kur do të mbahen zgjedhjet e rregullta lokale në Republikën e Kosovës, transmeton albinfo.ch.

Osmani u ka bërë thirrje të gjitha subjekteve politike, organizatave të shoqërisë civile dhe qytetarëve që t’i qasen këtij procesi me përgjegjësi të plotë, në funksion të garantimit të një procesi gjithëpërfshirës, të rregullt dhe të drejtë.

Ndryshe, zgjedhjet e fundit të rregullta lokale në Kosovë janë mbajtur më 17 tetor 2021.