Kotzias: Bushati u largua shkaku i Kosovës  

Ish-ministri i Jashtëm grek, Nikos Kotzias, ka thënë se Ditmir Bushati u largua nga pozita e ministrit të Jashtëm shkaku i çështjes së Kosovës, por edhe pikëpamjes së tij për Greqinë. 

“Ishte një ministër i Jashtëm tepër i guximshëm dhe i vendosur në idetë e tij, më seriozi për të negociuar me Greqinë. Edhe pse i ri, ishte tepër i matur dhe i pjekur. E respektoj shumë për aftësitë e tij. Ditmir Bushati, për mendimin tim, nuk u largua sepse ishte shumë vjet në krye të diplomacisë, por sepse kishte një këndvështrim tjetër për çështjen e Kosovës, pra ishte kundër ndryshimit të kufirit”, tha Kotzias.