Kreu i Armatës Zvicerane, vizitë ushtarëve në Kosovë dhe në Bosnjë

Në qendër të vizitës në Kosovë është festimi i Krishtlindjes së bashku me pjesëtarët e SWISSCOY në Prizren. Po ashtu Blattmann do të takohet edhe me komandantin e KFOR-it gjeneralmajorin Giovanni Fungo

Kreu i Ushtrisë së Zvicrës, Komandanti i Korpusit, André Blattmann viziton sot dhe nesër (22 dhe 23 dhjetor) Misionin Ushtarak të Zvicrës SWISSCOY në Kosovë dhe atë në Bosnjë e Hercegovinë, në kuadër të EUFOR-it. Në shoqërim të Blattmann-it do të jenë deputetja nacionale nga Kantoni Vaud  Géraldine Savary, ai nga Kantoni Schwyz, Alex Kuprecht si dhe deputeti David Zuberbühler nga Kantpnio Appenzell Auserrhoden.

Në qendër të vizitës në Kosovë është festimi i Krishtlindjes së bashku me Kontingjentin e 35-të zviceran të SWISSCOY në Prizren, thuhet në komunikatën e Ministrisë zvicerane të Mbrojtjes. Me këtë rast, kreu i armatës zvicerane do të takohet edhe me komandantin e KFOR-it gjeneralmajorin Giovanni Fungo në Prishtinë, përcjell albinfo.ch..

Më 23 dhjetor Blattmann dhe delegacioni i tij do të takohen me trupat e kontingjentit të 25-të (zviceran) në kuadër të EUFOR ALTHEA/LOT në Mostar, Bosnjë e Hercegovonë ku po ashtu do të festojnë Krishtlindjen.