Krishtlindje të errëta, në Danimarkë paralajmërohen për reduktim të energjisë

pixabay

Shumë qeveri në mbarë botën kanë nisur të prezantojnë planet për të kursyer sa më shumë energji gjatë këtij dimri.

Edhe në Danimarkë qytetarët janë paralajmëruar se do të përballen me një dimër që do të jetë më i errët se zakonisht, dritat në rrugë do të reduktohen ose edhe mund të fiken fare.

Në disa zona autoritetet janë duke planifikuar  për të mos lejuar dritat e Krishtlindjes dhe patinazhin vjetor.

“Vejle është i bukur gjatë dhjetorit  dhe do të ishte keqardhje që duhet të kursejmë pikërisht këtu”, shprehet një banor i qytetit Vejle.

Një tjetër qytetar shpreh shqetësimin nëse Pema e Madhe e Krishtlindjes do të ndriçohet këtë vit e nëse duhet të përballen edhe me më shumë vështirësi.

Shkollat dhe ndërtesat e tjera publike do të kenë termostatet e tyre të reduktuara, edhe temperatura me një gradë mund të bëjë ndryshim në faturat.

“Nëse do ta kishit ulur në 16 gradë, do të ishim ulur me kapele dhe doreza. Kjo do të kishte qenë diçka tjetër. Por një shkallë më pak, nuk mendoj se kjo ka një ndryshim të madh për ne”, shprehet një mësues.

Dritat mund të fiken ndërmjet orës 22:00 dhe 5:00, duke lejuar sigurinë publike.

Por me hulumtimet që tregojnë se shkurtimi i përdorimit të dritave të rrugës me një orë në ditë mund të kursejë rreth 40,000 euro në vit – është një opsion i zbatueshëm./Euronews