Kryediplomati austriak nesër viziton Kosovën

Alexander Schallenberg do të takohet me Osmanin, Kurtin dhe Gërvallen

Nesër, ministri i Jashtëm i Austrisë, Alexander Schallenberg, do të vizitojë Kosovën. Ai do të takohet me presidenten Vjosa Osmani, kryeministrin Albin Kurti dhe zëvendëskryeministren dhe ministren e Jashtme, Donika Gërvalla-Schwarz, transmeton albinfo.at.

Thuhet se “temë e diskutimit do të jetë procesi i zgjerimit të Bashkimit Evropian, lufta dhe agresioni rus në Ukrainë si dhe impakti i kësaj lufte në Ballkanin Perëndimor, ka theksuar zëdhënësja e Ministrisë së Jashtme të Austrisë, zonja Gabriele Juen.

Zëdhënësja e Ministrisë së Jashtme të Austrisë, zonja Gabriele Juen, theksoi se në agjendë janë edhe një takim me përfaqësuesit e shoqërisë civile në Prishtinë si dhe ushtarët e Austrisë, që shërbejnë në kontingjentin e KFOR-it në Kosovë.

“Temë e takimeve do të jetë procesi i zgjerimit të Bashkimit Evropian, lufta dhe agresioni rus në Ukrainë si dhe impakti i kësaj lufte në Ballkanin Perëndimor”, tha për RTKlive zëdhënësja e Ministrisë së Jashtme të Austrisë, Gbariele Juen.

Austria është angazhuar vazhdimisht për proceset euro-integruese të vendeve të Ballkanit dhe i ka inkurajuar vazhdimisht ato.

Ndryshe javë më parë në Prishtinë u mbajt Forumi Ekonomik Kosovë-Austri në Prishtinë, i cili bashkoi kompani nga Austria me kompani nga Kosova nga sektorë të ndryshëm, me qëllim promovimin e biznesit dhe nxitjen e investimeve të mëtejshme direkte nga kompanitë austriake në Kosovë.

---