Kryetari i liberalëve austriakë, i impresionuar nga Mimoza Kusari-Lila

Strolz: "Lidere me energji dhe vendosmëri si Kusari-Lila i duhen Kosovës, Austrisë dhe gjithë botës"

Kryetari liberal i demokratëve të Austrisë, Matthias Strolz  e ka thënë se ka mbetur i impresionuar nga takimi më kryetarën e Gjakovës, Mimoza Kusari – Lila.

Tek ka publikuar foto nga takimi me kryetaren e Gjakovës, Strolz ka shkruar në profilin e tij në Facebook se lidere me energji dhe vendosmëri si Kusari-Lila i duhen Kosovës, Austrisë dhe gjithë botës.

Ai më tutje ka shkruar për çmimet që ka marrë qeverisja e Kusari-Lilës për transparencë dhe ka thënë se do ta mbështesë maratonën ndërkombëtare që kryetarja e Gjakovës planifikon ta organizojë në Kosovë.

Takimi është zhvilluar në Vjenë ku kryetarja e Gjakovës ka marrë pjesë në “Viena Marathon” e cila u mbajt më 10 prill.