KSHZ: Dalja në votime mbi 43 për qind

Sipas KSHZ-së, deri në ora 17:00, në nivel shtetëror, kanë votuar 43,8 për qind e qytetarëve me të drejt vote

Komisioni Shtetëror Zgjedhor (KSHZ)  pak para se të mbyllen qendrat e votimit, ka dal me një konferencë për media duke deklaruar për mbarëvajtjen e zgjedhjeve të balotazhit në Maqedoni, të cilat i ka vlerësuar të qetë dhe demokratik. Sipas KSHZ-së, deri në ora 17:00, në nivel shtetëror, kanë votuar 43,8 për qind e qytetarëve me të drejt vote,

Në komunat shqiptare dalja në këto zgjedhje është si më poshtë: Bogovinë 38%, Bërvenicë 39,55%,Vrapçisti 38,76%, Gostivar 37,72%, Dibra 37,33%, Dollnen 49,33%, Zhelina 39,98%, Likova 36,75%, Saraj 45,56%, Struga 40,57%, Studeniçani 39,91%, Tearca 34,53%, Tetova 37,17%, Çairi 42,17%.

Ndërkaq, Lidhja e qytetarëve MOST, ka raportuar disa parregullsi në këtë raund votimesh.

Votim familjar, prezencë e personave të paautorizuar dhe fotografim i fletës së votimit, janë disa nga parregullsitë të cilat i ka regjistruar deri më tani MIOST, transmeton alsatm

“Në vendvotimin 1471 në Debreshtë, komunë e Dollnenit janë evidentuar nëntë raste të votimit familjar, 27 vota janë keqpërdorur në vendvotimin 1472 në fshatin Llazhanë, ndërsa në vendvotimin 0888 në fshatin Vidovishtë të komunës Zërnovc tre votues janë vërejt me sprej në dorën e majtë, në vend se në dorën e djathtë”, deklaroi Zlatko Dimitrovski, nga MOST.