Kthehen pritjet e gjata të mërgimtarëve në kufij

Në pikën kufitare në Mendare dhe te Dheu i Bardhë në kufirin Kosovë-Serbi, janë rikthyer kolonat e mëdha të automjeteve

Në dy pikëkalimet kufitare që e lidhin Kosovën me Serbinë në Merdare dhe të Dheu i Bardhë, janë shënuar pritje të gjata në të dy anët e kufirit. Sipas Policisë së Kosovës, kolonat janë më kilometra ta gjata, ndërsa qytetarët janë detyruar të presin me orë për të kaluar kufirin..

Zëdhënësi i Policisë së Kosovës, Brahim Sadriu tha se pritjet e gjata dhe kolona është shkaktuar prej numrit të shtuar të automjeteve dhe mërgimtarëve për të kaluar në Republikën e Serbisë.

Ai tha se policia kufitare në atë pikë është duke punuar maksimalisht që të evitohen këto pritje dhe kolona të gjata. Ndërkaq në pikat tjera kufitare gjendja është me e qetë, deklaroi ai, citon RTK.

Shumë mërgimtarë të cilët ishin për pushime në Kosovë, po presin me orë të tëra për të kaluar kontrollin tek autoritetet serbe. Sipas tyre, Policia e Kosovës është duke e kryer punën me përgjegjësi, por jo edhe kolegët e tyre serbë.

Ndryshe, përveç dy pikave kufitare, Merdare dhe Dheu i Bardhë, mërgimtarët sivjet kanë mundur t’i shfrytëzojnë edhe dy pikëkalimet tjera kufitare me Serbinë që kanë përfituar nga Marrëveshja për Menaxhimin e Integruar të Kufirit, atë të Mutivodës dhe të Muëçibabës.