Ku e gjen besimin Dua Lipa për projektet muzikore

Numri i ri i revistës "Fashion" do të dalë më 16 janar, ndërsa 22-vjeçarja ka dhënë intervistë në të cilën ka treguar se çka e inspiron për projektet e saj

Dua Lipa, këngëtarja kosovare që shpërtheu në botë më 2017, do të jetë në ballinën e revistës “Fashion” në numrin e muajit shkurt.

Kjo revistë do të dalë më 16 janar, ndërsa 22-vjeçarja ka dhënë intervistë në të cilën ka treguar se çka e inspiron për projektet e saj.

“Gjithçka nis me fjalët. Gjithçka nis me storiet dhe çfarë dua të them nëpër këngë… mund të shkruash për çka do. Mund të jetë për dikë që ke qenë në lidhje me të për gjashtë muaj, apo për dikë me të cilin ke folur në një bar. Një gjë mund të inspirojë një skenar të plotë”, ka thënë ajo lidhur me tekstet e këngëve të saja, transmeton Albinfo.ch.

“Kur ngrihem dhe performoj këngët e mia, ndihem shumë me besim të lartë. Por shumë këngë vijnë nga një vend ku nuk ka vetëbesim. Nganjëherë doja një rrugë që të gjeja besimin në muzikën time – të bëja veten të ndihej më mirë në situata të caktuara. Kur dikush mendoi se nuk isha e mirë mjaftueshëm, shkrova ‘Hotter Than Hell’ dhe më pas nuk mund të ndahej nga unë. Mendoj se kjo më bën më të fuqishme”, është shprehur ajo.

Edhe në këtë intervistë është cekur e shkuara e Lipës dhe kalimi i saj prej Kosovës në Londër dhe shpërthimin në botën e muzikës.