Kundërshtohet shitja e aeroporteve në Francë

Deputetët francezë kanë nisur një përpjekje ambicioze për të bllokuar shitjen e aksioneve të qeverisë në aeroportet e Parisit.
Privatizimi i aeroporteve i ka prirë listës së ndryshimeve të planifikuara nga presidenti Emmanuel Macron në shtetin që e çmon mbrojtjen e shërbimeve publike, transmeton albinfo.ch.
Deputetët nga grupet e ndryshme politike patën një takim të rrallë në Saint-Denis, në veri të Parisit, duke bërë përpjekje se si të rritin mbështetjen për iniciativën e tyre për të mbajtur aeroportet e Parisit nën kontrollin e shtetit. Qeveria përballet me kundërshtim të gjerë kundër planit, për shkak të shqetësimeve mbi humbjen e të ardhurave dhe humbjen e ndikimit në sektorin e transportit.
Në maj, një grup opozitar fitoi të drejtën për të nisur një procedurë të referendumit të përdorur rrallë, për të bllokuar shitjen e aksioneve. Në Francë, që nga fundi i vitit të kaluar, po vazhdojnë protestat kundër reformave ekonomike të kabinetit të Macronit.