Kur Graniti e kërcënonte trajnerin për Taulantin

Thorsten Fink ka zbuluar edhe një detaj interesant kur Granti e kishte mbrojtur Taulantin. “Njëherë kisha mosmarrëveshje me Granitin, pasi ai dëshironte që vëllai i tij të kishte më shumë minuta”, thekson Fink

Keystone

Vëllezërit Xhaka u përballen për herë të tretë kundër njëri-tjetrit të martën në Ligën e Kampionëve, derisa Taulanti dhe Graniti kanë dalë nga Akademia e Baselit, shkruan albinfo.ch.

Njëri ndër më të merituarit për suksesin e tyre është Thorsten Fink, ish-trajner i tyre. Ai në një intervistë për ‘Blick’ ka zbuluar se si u rritën futbollistët shqiptarë.

Fink tani drejton Austrinë e Vjenës ndërsa Graniti luan në Arsenal. “Graniti që prej fëmijërisë së tij kishte besim në vete. E dinte se çfarë dëshironte. Kur ai u bë kampion i botës me U-17, filluan vlerësimet ndaj tij”, thotë ish-trajneri i tyre.

Graniti kishte mentalitet fitues. “Kur barazuam ndaj Manchester Unitedit në ‘Old Trafford’ ai ishte i pakënaqur sepse ne nuk fituam”, ka shtuar Fink.

Ai ka zbuluar edhe një detaj interesant kur Granti e kishte mbrojtur Taulantin. “Njëherë kisha mosmarrëveshje me Granitin, pasi ai dëshironte që vëllai i tij të kishte më shumë minuta”, thekson Fink. Por, trajneri është i kënaqur që Taulanti është njëri nga lojtarët kyç te Baseli.