Lifestyle
Kur këndon Lauresha
Lauresha Ramadani, këngëtarja shqiptare me prejardhje nga Kërçova, jeton në Zvicër. Këtu dhe atje ajo ka shënuar një varg suksesesh

E njohur në Kërçovë, ku është lindur dhe rritur, këngëtarja Lauresha Ramadani ka vazhduar sukseset edhe në Zvicër, ku jeton prej disa vjetësh. Me pasionin e saj për muzikën ajo që në moshën 7-vjeçare mëson fyellin. Që atëherë, me inkurajim të mësueses, pasioni i saj për muzikën merr hov dhe është prezent edhe sot.
Lauresha ka jetuar pjesën më të madhe të jetës në Kërçovë, ku edhe filloi veprimtaritë e saj të para si këngëtare. Ajo në moshën 9-vjeçare ka marrë pjesë në Festivalin “Pëllumbat e Artë” në Kërçovë dhe në vazhdimësi u bë pjesë e këtij festivali 4 vjet me radhë, duke rrëmbyer çmimin e parë dhe atë të publikut.
Lauresha gjithashtu ka marrë pjesë në manifestime të ndryshme që organizoheshin në qytetin e saj dhe më pas, edhe në televizionet e Maqedonisë Veriore, kryesisht në emisione për fëmijë.
Kënga e saj, më e klikuara
Pasi mbaroi gjimnazin në Kërçovë, me inkurajim të madh nga shoqëria dhe familja ajo vendosi të marrë pjesë në spektaklin madhështor “The Voice of Albania 3” në Shqipëri, nga e cila u veçua për duetin e saj me Benjaminin, me këngën “See beneath your beautiful”, i cili veçohet si dueti më i klikuar i sezonit të tretë në “Youtube”.
Në vitin 2014, Lauresha Ramadani publikon videoklipin “Skinny Love”, ku bashkëpunoi me produksionin Britaniko-Shqiptar “Sebastian Production”. Një vit më pas, Lauresha Ramadani merr pjesë në “Top Fest 12” me këngën “Veshur Me Tradhëti”. Gjithashtu në vitin 2015, Ramadani publikon videoklipin “Pa Limit”. Një vit më pas, Lauresha publikon videoklipin “Bang Bang”, në bashkëpunim me Stefi Prifti & Endri Prifti.
Një varg këngësh dhe suksesesh
Viti 2016 ishte i suksesshëm për të, pasi publikoi edhe këngën “Letra”.
Para dy vjetëve, ajo publikon videoklipin “Nalu Pak”. Muzika e këngës u punua nga Gent Myftaraj, teksti u shkrua nga Elinel, Lauresha Ramadani, Sant, Marly (Almir Leka). Më 2017, Sant & Marly publikojnë videoklipin “Hola”, në bashkëpunim me Lauresha. Muzika e këngës u punua nga Gent Myftaraj, teksti u shkrua nga Lauresha Ramadani, Sant, Marly (Almir Leka).
Në prill të këtij viti, Lauresha publikon videoklipin “Ku Ishe Ti?”, në bashkëpunim me Olsi Bylykun. Muzika e këngës u punua nga Gent Myftaraj, ndërsa teksti u shkrua nga Lauresha Ramadani & Olsi Bylyku.
LAJME INTERESANTE NGA INTERNETI
E-Diaspora
-
Pse diaspora kosovare nuk mund të votojë në ambasada? Misionet diplomatike në botë shërbejnë edhe si vendvotime për shtetasit të cilët nuk ndodhen fizikisht në...
-
“Du me votu”: “Ne vetëm duam të thjeshtësojmë procedurat e votimit për diasporën”
-
“ALBI SALZBURG”, kompania me pronar kosovar, partnere me gjigantë botërorë
-
Hannover, Gjermani
Kosovari, i njohur si “ambasadori” akuzohet për falsifikim pasaportash
-
Statistika më e re (BFS)
Shqipen e flasin 6.7% e banorëve nën 15 vjeçarë të Zvicrës
Jeta në Zvicër
-
Zvicër
BAG: Vetëm nëse numri bie në 300 raste në ditë, kemi arritur diçka Me gjithë "optimizmin e kujdesshëm" që e mundëson kjo situatë, Mathys thotë se ende nuk ka...
-
“Du me votu”: “Ne vetëm duam të thjeshtësojmë procedurat e votimit për diasporën”
-
Zvicër
1126 raste me virusin e ri, “në mars, ky mund të jetë varianti mbizotërues”
-
8 nga 10 zviceranë udhëtojnë një orë për në vendin e punës
-
BAG raporton 1884 infeksione të reja dhe 57 vdekje nga Covid-19