Kur tekniku austriak i teatrit pritet nga kryeministri shqiptar

Udhëtimin për në Shqipëri e kishte ndërmarrë pa kërkuar pagesë pasi që për maestron 58 vjeçar, një teatër që funksionon është diçka që i fle në zemër.

 Rasti e solli që një tekniku teatrosh nga Austria t`i organizohej një pritje në nivel shtetëror. Philipp Olbeter, që është shef teknik i Teatrit muzikor të landit në Linz, kishte shkuar për të bërë një inspektim rreth gjendjes së mjerë të teatrit të Shkodrës, në Shqipëri. Mjerisht, ai nuk pati ndonjë lajm të mirë për t`i kumtuar kryeministrit Berisha, i cili i organizoi atij pritje të veçantë. “Behind the courtain is a real desaster”, (mbrapa perdeve mbretëron një kaos) i kishte thënë në anglishte kryetekniku kryeministrit.

Këtë e thotë edhe për gazetat austriake pasi ka kaluar dy ditë duke inspektuar teatrin e qytetit verior shqiptar.

Tekniku austriak, i lindur në Gjermani kishte shkuar në Shqipëri me kërkesën e Wolfgang Grossruck, kryetar i shoqatës Austri-Shqipëri dhe njëherësh deputet nga Partia Popullore (VP) në Parlamentin Nacional të Austrisë.

Këtë udhëtim e kishte ndërmarrë pa kërkuar pagesë pasi që për maestron 58 vjeçar, një teatër që funksionon është diçka që i fle në zemër. Duke ndjekur këtë pasion të tij, Olbeter pas luftës në Bosnjë e kishte bërë funksionale skenën e teatrit kombëtar të Bosnjës në Zenicë. Po ashtu pa pagesë!

Ai do të udhëtojë sërish për në Shkodër ku nga mesi i majit do të arrë me vete edhe një grup bashkëpunëtorësh. Kjo do të jetë e nevojshme për shkakun se skena e teatrit të atjeshëm, është, thënë më së buti në gjendje për tu rinovuar.  Beter thotë: “Kam mbetur pa fjalë kur kam parë se në çfarë gjendje është ai teatër”.

Për fazën që vjen, Wolfgang Grossruck (ai i shoqatës) do të sigurojë një financim, veç tjerash nga paratë e BE-së.