Kurti e Vuçiq në darkë në Berlin, i pranishëm edhe Lajçak

Darka joformale në mes të kryeministrit Albin Kurti, presidentit serb Aleksandar Vuçiq dhe të ngarkuarit të BE-së në dialogun Kosovë-Serbi, Mirosllav Lajçak, ka filluar në orën 19:45.

Darka po mbahet në periferi të Berlinit. Kurti tha se pret që gjatë këtij takimi të kuptojë më mirë se e vetmja marrëveshje pas një dialogu parimor në mes të Kosovës dhe Serbisë është ajo që është ligjërisht e obligueshme, e bën normalizimin e plotë, sepse e ka në qendër njohjen reciproke.

Sipas Kurtit, në Europë janë të brengosur që Serbia nuk u rreshtua me Bashkimin Europian, NATO-n e SHBA-në, duke mos i vendosur sanksione Rusisë, pas pushtimit të Ukrainës.

“Ne në Ballkan kemi shumë, dallime por na u shtua edhe një i tillë”, tha Kurti për RTK-në.