Kurti: Edhe të paditur, edhe të lirë, nuk mund të jemi

Kryetari i Lëvizjes Vetëvendosje, Albin Kurti, duke komentuar raportet e progresit, ka thënë se qysh në vitin 2016 ishte paralajmëruar se do të ketë rezultate të dobëta në testin PISA.

Ai ka shkruar në Facebook se edhe të paditur, edhe të lirë nuk do të mund të jemi, përcjell albinfo.ch.

“Nga Raportet e Progresit mësojmë të kaluarën e afërt që s’e ndryshojmë dot, por edhe atë çka na pret nëse nuk ndryshojmë në të ardhmen. Në faqen 41 të tij thuhej: “75% e shpenzimeve të përgjithshme në arsim janë bërë për rrogat dhe rritja e shpenzimeve në arsim është përdorur pothuajse tërësisht për rritjen e pagave, në vend të përmirësimit të cilësisë të arsimit. Rreth 40% e të diplomuarve me një diplomë profesionale dhe 35% e të diplomuarve me një diplomë universitare nuk posedojnë aftësitë e nevojshme të kërkuara nga tregu i punës”, ka shkruar Kurti.