Kurti: Jemi të përkushtuar me punë që ta ndalojmë hovin e koronavirusit

KEYSTONE/EPA/VALDRIN XHEMAJ

Kryeministri në detyrë, Albin Kurti, sot zhvilloi një vizitë në Anamoravë.

Ai është takuar me të parin e Gjilanit, Lutfi Hazirin, me qëllim mobilizimin e institucioneve lokale dhe atyre qendrore në parandalimin e përhapjes së pandemisë së koronavirusit.

Kurti i bëri këto komente në një konferencë për media gjatë një vizite në Komunën e Gjilanit.

“Jemi të përkushtuar me punë që ta ndalojmë hovin e koronavirusit. Puna edhe më e madhe duhet të vazhdojë në muajin prill. Muaji prill është vendimtar për daljen nga kriza”, tha Kurti.

Ai theksoi se qeveria do të zhvillojë sot një mbledhje online, ku do të diskutojë për masat e tjera ndaj kësaj situate, përcjell Albinfo.ch