Kurti përfshihet edhe në fushatën zgjedhore në Luginën e Preshevës

Sot në Prishtinë do të mbahet një tubim mbështetës për zgjedhjet në Luginën e Preshevës, përcjell albinfo.ch.

Aty do të marrë pjesë edhe kryeministri i Kosovës, Albin Kurti, i cili shkon aty për të përkrahur kandidatët për kryetar të Preshevës dhe Bujanocit, Ardita Sinani, përkatësisht Ragmi Mustafi.

Ky event organizohet për qytetarët e Luginës, që jetojnë në Kosovë.

Tubimi nis nga ora 18:00, në Amfiteatrin e Fakultetit Juridik.

Kandidati për kryetar të Komunës së Bujanocit nga Alternativa për Ndryshim, Arbër Pajaziti, e ka quajtur ndërhyrje flagrante tubimin në Prishtinë të Partisë për Veprim Demokratik, ku do të marrë pjesë edhe kryeministri i Kosovës, Albin Kurti.

Së fundmi, kryeministri Kurti është kritikuar për përfshirjen e tij në zgjedhjet presidenciale dhe parlamentare të Maqedonisë së Veriut.

Kjo është vlerësuar si  përzierje në punët brendshme e një shteti fqinj, që mund të sjellë pasoja për Kosovën dhe shqiptarët e Maqedonisë së Veriut.