Kurti u kundërpërgjigjet tifozëve serbë të Cervena Zvezdes

FB: Albin Kurti

“Kur do të kthehet ushtria në Kosovë”. Ky ka qenë një nga mbishkrimet skandaloze të tifizëve serbë gjatë një ndeshjeje miqësore ndaj klubit italian Fiorentina.

Në një reagim, kryeministri i Kosovës ua ka përkujtuar atyre historinë e viteve të 90’ta, ku tifozët e Crvena Zvezda ishin revoltuar kundër Kroacisë.

Kurti thotë se pas atij revoltimi kishte nisur luftërat ballkanike, pra një mesazh që tifozët ulra-nacionalistë e kishin nisur.

“Në vitin 1990 tifozët e klubit serb të futbollit Crvena Zvezda, të udhëhequr nga mafiozi serb i paditur nga ICTY, Arkan, u revoltuan kundër Kroacisë. Për disa, kjo ishte një shkëndijë e luftërave që pasuan. Dje Crvena Zvezda bëri thirrje që ushtria të kthehet në Kosovë. Thirrjet për dhunë janë të pandërprera”, ka shkruar Kurti në Twitter.