Kurz: BE duhet të dëshmojë se është një partner i besueshëm për Ballkanin Perëndimor

Keystone (Roland Schlager/APA via AP, Pool)

Kancelari austriak, Sebastian Kurz, në fund të një vizite pune njëditore në Beograd ka thënë se shpreson që ky vit të mos humbasë në çështjen e integrimit evropian të Ballkanit Perëndimor.

Ai shtoi se Bashkimi Evropian duhet të bëhet një partner i besueshëm për këtë rajon.

“Shpresoj që ky vit të mos humbasë, por përkundrazi, shpresoj për një dinamikë të re të integrimit evropian në Ballkanin Perëndimor. BE duhet të jetë një partner i besueshëm për vendet e Ballkanit Perëndimor, në mënyrë që ata të mund të mbështeten në të, dhe duhet të ketë besimin e Bashkimit në lidhje me rajonin”, shpjegoi Kurz për agjencinë e lajmeve serbe, Tanjug.