Kush ishte çifti që vdiq në aksidentin me aeroplan në Zvicër

Një kompozitor i vlerësuar me çmime britanike dhe një saksofoniste e mirënjohur vdiqën së bashku me fëmijën e tyre në përplasjen me aeroplan të dielën në Zvicër.

Çifti Jonathan Goldstein dhe Hannah Marcinowicz u nisën nga aeroporti në Zvicër për në Itali rreth orës 9 të së dielës.

Policia nga kantoni i Valais njoftoi se rreth orës 10:30 avioni i vogël u rrëzua “për shkak të rrethanave të pashpjegueshme” deri sa po i afroheshin kufirit italian dhe shpërtheu në flakë.

Shkaku i përplasjes është ende i panjohur dhe autoritetet zvicerane kanë filluar një hetim.

Në një deklaratë, një familjar tha: ”Të gjithë jemi shkatërruar nga lajmet për vdekjen e Jonathan, Hannah dhe Saskia. Ne i donim kaq shumë. Ata ishin shumë të lumtur së bashku”.

Goldstein ishte një kompozitor i muzikës. Ai kishte agjencinë e tij të prodhimit të muzikës në Londër dhe kishte fituar disa çmime për muzikë origjinale.

Në anën tjetër, Marcinowicz u diplomua në Akademinë Mbretërore të Muzikës dhe luajti me saksofon në shumë orkestra të larta britanike, përfshirë Orkestrën Simfonike në Londër dhe Orkestrën Koncertale në BBC, përcjell Albinfo.ch.