Kuvendi i Kosovës mblidhet për herën e 46-të në përpjekje për konstituim

Foto: Kuvendi i Kosoves

Deputetët e Kuvendit të Kosovës do të mblidhen sërish sot në një përpjekje tjetër për të konstituuar përfundimisht legjislaturën e re. Seanca do të nisë në orën 11:00 dhe është e 46-ta me radhë që organizohet për këtë qëllim, raporton albinfo.ch.

Procesi i konstituimit ka mbetur i bllokuar te zgjedhja e kryetarit të Kuvendit. Lëvizja Vetëvendosje, insiston në votimin e fshetë, që nuk përkrahet nga opozita.

Zvarritja e procesit ka shkaktuar kritika nga shoqëria civile dhe përfaqësues ndërkombëtarë, të cilët kanë bërë thirrje për tejkalim të ngërçit dhe funksionalizim të institucioneve, raporton albinfo.ch.