Kuvendi i Shqipërisë miraton marrëveshjen me Zvicrën për ‘Bashki të forta’

Kuvendi i Shqipërisë miratoi sot me 72 vota pro projektligjin “Për ratifikimin e marrëveshjes, ndërmjet Këshillit të Ministrave të Republikës së Shqipërisë, përfaqësuar nga ministri i Shtetit për Pushtetin Vendor, dhe qeverisë së Konfederatës Zvicerane, përfaqësuar nga Agjencia Zvicerane për Zhvillim dhe Bashkëpunim, që vepron përmes Ambasadës së Zvicrës në Shqipëri, për projektin “Bashki të forta (BTF), faza 2”.

Marrëveshja ka disa programe që ndihmojnë pushtetin vendor për mirëfunksionimin e tyre me grante për fusha të ndryshme, si arsimi parashkollor, ekonomia, etj.

Projektligji vjen si sukses i fazës së parë të këtij projekti, ndërsa parashikon mbështetje për këshillat bashkiakë, arsimin parashkollor, menaxhimin e mbetjeve, etj.