Kuvendi Komunal i Zubin Potokut mban seancën e parë brenda objektit të Komunës

Nis seanca e parë në Kuvendin Komunal të Zubin Potokut

Sot, Kuvendi Komunal i Zubin Potokut ka mbajtur séancë, e cila në fakt është e para e zhvilluar brenda objektit të Komunës prej vitit të kaluar, kur në krye të kësaj komune ka ardhur Izmir Zeqiri.

Mbajtjen e seancës e ka konfirmuar vetë kryetari i Komunës.“Po, seancën e kemi mbajtur, tash sapo e përfunduam. Për pak përmes një konference për shtyp do të japim detaje të tjera” – tha Zeqiri.

Të dielën, më 21.04.2024, në katër komunat e veriut u mbajt votimi për apo kundër largimit të kryetarëve të komunave, të cilët janë shqiptarë. Ky votim u bojkotua nga qytetarët e kësaj zone, përderisa në secilën prej komunave numri i votuesve nuk arriti as deri në 1 për qind. Objekti i Komunës së Zubin Potokut që nga fundi i muajit maj të vitit 2023 ka qenë nën kontroll të Policisë së Kosovës dhe të misionit të NATO-s në Kosovë, KFOR. Kjo pasi betimi i kryetarit që doli fitues në zgjedhjet që u mbajtën më 23.04.2024 u bojkotua me protestë nga qytetarët serbë të këtij qytetit.

Një situatë e njëjtë ishte edhe në Zveçan e në Leposaviq. Nga tensionet që u krijuan, më shumë se 90 ushtarë të KFOR-it u sulmuan, e po ashtu u sulmuan edhe zyrtarë të Policisë e gazetarë.

---