Ky resort i skive bëhet i pari në Evropë që ndalon duhanin edhe në natyrë

pixabay

Një vijë e kuqe mbi një cigare – simboli universal i ndalimit të pirjes së duhanit – do të jetë risia që do t’i pretë entuziastët e skive nga e gjithë bota në fshatin e vogël Les Gets në Alpet Franceze.

Më 17 dhjetor, ndërsa terrenet e skive të Les Gets hapën dyert e veta për sezonin e dëborës, ai u bë gjithashtu resorti i parë i skive në Evropë që ndaloi duhanin në gjithë zonën komunale – slogani i ri i fushatës, “Les Gets, territor pa bishta cigaresh”.

“Kanë kaluar vite që kur filluam të shpërndanim pajisje falas për shkundjen e cigareve dhe nuk ndryshoi asgjë, sepse gjenim bishta cigaresh në fund të sezonit të skive”, tha Benjamin Mugnier, drejtor marketingu në Les Gets.

“Pranverën e kaluar patëm një ditë pastrimi me 100 vullnetarë dhe pasi përshkruam një pjesë të madhe të malit, gjetëm 3000 bishta cigaresh”, shtoi ai.

Ishte ky moment kur ai vendosi të sugjeronte këtë vendim drastik – ndalimin e pirjes së duhanit. Policia bashkiake do të kryejë patrullime pranë pistave dhe ata që kapen duke pirë duhan, mund të gjobiten./CNN