Ky shtet rrit moshën e daljes në pension në 70 vjeç deri në vitin 2040

(KEYSTONE/Martin Ruetschi)

Së fundmi, Parlamenti i Danimarkës miratoi  një ligj që rrit moshën e daljes në pension në 70 vjeç deri në vitin 2040 nga mosha aktuale 67 vjeç, përcjell albinfo.ch.

Një total prej 81 ligjvënësish votuan pro dhe 21 ishin kundër, tha Folketing në faqen e saj të internetit.

Që nga viti 2006, Danimarka e ka indeksuar moshën zyrtare të daljes në pension me jetëgjatësinë dhe e ka rishikuar atë çdo pesë vjet.

Në vitin 2030, mosha e daljes në pension do të rritet në 68 vjeç dhe në vitin 2035 do të shkojë në 69 vjeç.

Ligji i ri përcakton moshën e daljes në pension në 70 vjeç për të gjithë personat e lindur pas 31 dhjetorit 1970.

Kryeministrja socialdemokrate Mette Frederiksen, 47 vjeç, tha vitin e kaluar se ishte gati të rishikonte sistemin sapo mosha e daljes në pension të vendosej në 70 vjeç.

Mosha standarde e pensionit në Itali është 67 vjeç, megjithëse, ashtu si në rastin e Danimarkës, kjo është gjithashtu subjekt i rregullimeve bazuar në vlerësimet e jetëgjatësisë dhe mund të rritet në vitin 2026.

Në Mbretërinë e Bashkuar, personat e lindur midis 6 tetorit 1954 dhe 5 prillit 1960 fillojnë të marrin pensionin e tyre në moshën 66 vjeç. Por për personat e lindur pas kësaj date, mosha e pensionit shtetëror do të rritet gradualisht .

Dhe në Francë, në vitin 2023 u miratua një ligj që e rriti moshën e daljes në pension nga 62 në 64 vjeç. Ndryshimi shumë jopopullor shkaktoi protesta dhe trazira dhe u desh të miratohej në parlament nga  Presidenti Emmanuel Macron pa votim.