Lahi Brahimaj ftohet nga Specialja

Lahi Brahimaj në të kaluarën ka qenë i akuzuar për krime lufte nga Tribunali i Hagës dhe nga akuzat që kanë rënduar mbi të, pati dalë i pafajshëm. Edhe kësaj here ai ka thënë se do të bashkëpunojë me drejtësinë.

Deputeti i Kuvendit të Kosovës nga AAK dhe ish-zëvendëskomandanti i Zonës Operative të Dukagjinit, Lahi Brahimaj, është personaliteti i radhës që është ftuar nga Gjykata Speciale.
Brahimaj ka konfirmuar për Klan Kosova se ka marrë një ftesë për intervistim nga Zyra e Prokurorit Special.

“Po. Kam pranuar një ftesë me kërkesë që të paraqitem”, ka thënë Brahimaj përmes telefonit për Info Magazine, përcjell albinfo.ch.

Brahimaj në të kaluarën ka qenë i akuzuar për krime lufte nga Tribunali i Hagës dhe nga akuzat që kanë rënduar mbi të pati dalë i pafajshëm. Edhe kësaj here ai ka thënë se do të bashkëpunojë me drejtësinë.

“Realisht kur ka ndodhur procesi i parë kam thënë se bashkëpunojë me Tribunalin e Hagës, prej të cilit ka pasur një verdikt. Si deputet i Parlamentit kam menduar se një Tirbunal i ri është i panevojshëm dhe vota ime ka qenë kundër. Vota shumicë ka qenë pro që të jetë një tribunal dhe e respektoj verditkin e tyre dhe do ta respektoj atë”.

“Do ta kaloj edhe këtë sfidë”, është shprehur ai.
Sipas Brahimjat, ka një tendencë që me Gjykatën Speciale të dëmtohet lufta e UÇK-së.

“Ka tendenca që ta dëmtojnë luftën e UÇK-së, por të gjithë: Serbia, UNMIK dhe EULEX nuk do të mund ta dëmtojnë këtë luftë. UÇK-në do ta turpërojnë ata që kanë keqpërdorur luftën e UÇK-së.