Lajçak flet pas takimit me Ramën dhe Kurtin: Duhet zgjidhje urgjente

Miroslav Lajčák

I dërguari i Bashkimin Evropian për dialogun Prishtinë-Beograd, Miroslav Lajcak, ka reaguar me anë të një postimi në Twitter rreth tensioneve në veri të Kosovës.

Reagimi i tij vjen pas takimeve që ai pati me kryeministrin e Shqipërisë, Edi Rama, si dhe me kryeministrin e Kosovës, Albin Kurti.

Ai ka shkruar se në Ballkanin Perëndimor, e veçanërisht në Kosovë është nevoja e një zgjidhje politike urgjente, ndërsa ka shtuar se dhuna e shfaqur në veri është totalisht e papranueshme.

“Gjatë dy ditëve të fundit kam marrë pjesë në GLOBSEC. Gjatë takimeve dhe bisedave të mia të shumta kam diskutuar për situatën në Ballkanin Perëndimor, në veçanti për tensionet dhe përshkallëzimin në veri të Kosovës. Ne kemi nevojë urgjente për një zgjidhje politike. Dhuna nuk është e pranueshme”, shkruan Lajçak.