Lajçak: U pajtuam me Kurtin për zbatimin e të gjitha marrëveshjeve të kaluara

Emisari i BE-së për dialogun Kosovë-Serbi, Miroslav Lajçak, ka thënë se me kryeministrin e Kosovës, Albin Kurti dhe me zëvendëskryeministrin Besnik Bislimi janë pajtuar që “të gjitha marrëveshjet e kaluara të dialogut duhet të zbatohen plotësisht”, përcjell albinfo.ch.

Lajçak deklaroi kështu pas takimit që pati të mërkurën mbrëma me Kurtin dhe Bislimin.

“U ktheva sot në Kosovë për të vazhduar diskutimet e mia të sinqerta, të hapura dhe intensive me kryeministrin Albin Kurti dhe ZKM Besnik Bislimi për hapat e ardhshëm dhe rrugën përpara për normalizimin e marrëdhënieve me Serbinë. Ne gjithashtu ramë dakord që të gjitha marrëveshjet e kaluara të dialogut duhet të zbatohen plotësisht”, ka shkruar Lajçak në Twitter.