Lajçaku në Kosovë, takohet me Kurtin

Kryeministri Albin Kurti do të takohet të enjten me të dërguarin e Bashkimit Evropian për dialogun Kosovë-Serbi, Miroslav Lajçak, përcjell albinfo.ch.

Kështu ka bërë të ditur Zyra e Kryeministrit përmes një komunikate për media.

Nuk është bërë e ditur nëse Kurti e Lajçaku do të mbajnë konferencë për media pas takimit.

Lajçaku herën e fundit në Kosovë ka qenë më 15 shtator.

Zëvendëskryeministri i Kosovës, Besnik Bislimi, ka paralajmëruar për një takim të mundshëm në tetor mes kryeministrit Kurti dhe presidentit serb, Aleksandar Vuçiq, në Bruksel, derisa nuk ka dhënë datë se kur do të ndodhë.

Dy ditë më parë Kurti ka biseduar për dialogun edhe me Sekretarin amerikan, Antony Blinken.